Jantegia eta aterperik gabeko aisialdi zentroa - bazkari tarifa
Greba egunetako landa-bazkariaren prezioa 4.26€tan finkatu da
2017ko Irailaren 28a | UZTARITZE.INFO
Eskolako bizia, Gazteria eta Kirola zerbitzuan greba protokoloa plantan ezarri da, beraz, karia horretara, ikasleen harrera antolatu behar dugu, bereziki eguerditan. Printzipioz, hitzartu da langileen % 50 greban izanez gero jantegiko zerbitzua ez dela manera normalean segurtatzen ahal. Halere, toki bakoitzean gutienez 2 langile izanez gero, zaindegia segurtatuko da: orduan, familiek beren haurr(ar)en piknika ekarri beharko dute. Halere, haur batzuk piknika ahantziz geroz bazkaldu gabe ez uzteko, gure hornitzaileari zenbait piknika manatuko dizkiogu, eta doakien familiei fakturatuko zaizkie zuzenki, herrian aplikatzen den tarifa gorenean, hots, 4,26 €-tan. Beraz, proposatu da: piknikaren tarifa 4,26 €-tan finkatzea eta horren onartzea.
Gallois anderea: Herriarentzat ez da errex egoera aitzinetik ikustea eta greba delarik familiei eskatu die otorduaren ematea. Ahantzi dutenentzat landa bazkari batzu manatuak izanen dira. 4,26 € prezio azkarrean fakturatua da.
Cendres jauna: Greba delarik ezin da apairu hotzik izan?
Gallois anderea: Anitz gauza aitzin-ikusi behar dira, zerbitzuaren egitea, bi langile landa bazkaria jaten ari diren haurren zaintzeko beraz biziki korapilatsua da.
Cendres jauna: Ez ditugu usaieko prezioak atxikitzen ahal?
Gallois anderea: Puntu horretaz anitz erreklamazio ukan dugu.
Cendres jauna: Landa bazkaria ahanzten duen familia zigortzen dugu.
Gallois anderea: SCOLARESTen etxean landa bazkaria apairu normala baino garrestiago da. Bestalde, greba denboran ez gira behartuak kantinaren idekirik atxikitzea. Baionan horrela da.
Ibarboure jauna: Dena den, beren haurrer apairua ematea ahanzten duten familiak ez ditugu faboratuko.
Cendres jauna: Deneri prezio azkar baten ordain-arazteak nau eragozten.
Ibarboure jauna: Horrela egiten bagenu, ondoko aldian 40 ahanzte bagenituzke.
Goyheneche jauna: Gainera, oroitarazi behar da ahanzte horien biktimak beren haurrak direla.
Herriko Kontseiluak,
- Piknikaren tarifa 4,26 €-tan FINKATU du eta ONARTU.
- BOZKAK: ALDE 28
- KONTRA 1 (Cendres)
- ABSTENTZIOAK 0
