Dumon jauna: Kontra bozkatuko dugu zeren Kiroletako dosierrari lotua den erabakia baita. Ohartzen gira halere epeen zabaltze bat izanen dela, hori gauza ona da. Metatzen ari diren

lainoek gure finantzak mehatxatzen dituzte. Eraikin horiek R+3koak izanen diren galdatzen dut?

Carrere jauna: Bai.

Goyheneche jauna: Bizitegi sozialen finantzaketa eztabaidatzen ari da Hirigune elkargoan zeren batzuek ordaintzen dute eta beste batzuk ez, eta borrokatzen ari gira Hirigune elkargoak finantzaketa osoa bere gain har dezan.

Cendres jauna: Nork ordainduko du isuna?

Carrere jauna: Herriek dute ordainduko.

Cendres jauna: Kiroletako proiektuaren kontra egoten naiz baina ez dut bizitegi sozialen finantzatzearen kontra bozkatzen ahal. Beraz abstenituko naiz.

Machicote jauna: Herriaren biziberritzea aipatzen denez pena dut, kiroletan, eta etortzen direnetan, urdinbaita gibelekoa baita eliza ondoan ere, hiri bihotza osatzeko orduan dena soilik etxebizitzak sortuz egiten da. Hirigintzaz ari girenean edo etxebizitzaz soilik aritzen gara, gehienetan, edo komertzio eremuetaz; justuki angeluren eredua da eta ez da Uztaritzek beharko lukeen eredua, BABren bazter auzo gisa uzten dudelako.

Goyheneche jauna: proiektuak, gu herriko etxeko kudeantzara jin aitzin jadanik abiatuak ziren, eta aipatzen duzun Urdinbaita proiektua ez da oraino agertu. Auzitegi administratiboaren aitzinean izan gira proiektu andana batentzat, nagusitasuna daukagun proiektu bakarra, Arruntzakoa da.

Machicote jauna: Ez ditut proiektu horiek zalantzan ematen, kezkatua naiz eraikitzeko ereduari buruzko aktzio eskasaz. Langintza tokirik edo beste jarduera ekonomikorik gabe diren bizitegien kopuruaz ari naiz.

Carrere jauna: Eskuen artean ukan ditugu proiektu horiek eta etxe eragileek negoziazioa onartu dute nahi zutelakotz baina ez ziren behartuak.

Goyheneche jauna: Ezin dugu historia berriz idatzi. 2014an Sobrim proiektua izenpetu bagenu, erran gabeko hitzarmen bat gertatuko zen eraikitzeko baimenarentzat. Operazioan aitzin-ikusi apartamendu kopurutik 50 gutiago eginarazi ahal izan genuen. Aparkaleku publiko bat ere ukan dugu, oinezkoentzat bidexka bat eta saltegiak, horiek denak ez zirelarik aitzinetik ikusiak. Eraikitzeko baimena aldatu behar izan dugu eta hor bigarren ikerketan eraikitzeko baimena ez da onartua izan. Lehenbiziko eraikitzeko baimenera joaiten ahal zen Sobrim, apartamendu gehiagorrekin, baina ongi bururatzera kausitu dugu. Bestalde beste proiektu batzu izan dira zeinentzat errana zeraukun ezinezkoa zela eta bestela ez zaitekeela izan.